Unsere Geschichte

Üses Glück hei mir www.partnerwinner.ch z'verdanke.

Jaja, dir läset richtig, mir hei üs tatsächlech übers Internet lehrä kennä. Im April 2003 het sich der Tinu29 uf z'Porträt vor Sunneblueme verirrt und mir zum Glück es Mail gschribe. Nach langem hin und här maile het dr Tinu au si Muet zämegno und mir aglüte. Mir hei mind. e Stung zäme telefoniert. Üsi Angscht, das mir de öpe nid chönte wüsse was z'verzeue isch auso völlig unbegründet gsi ;-) Churz druf hei mir üs när bim Tierpark Dählhölzli z'Bärn zum erschte Mau troffe und de hei d'Schmätterlinge rächt schnäu wie wild afo im Buch umeflüge.

Am 01. März 2004 när hani mini Zäut z'Biel abbroche und bi zum Tinu nach Gasel züglet! Im Summer 2005 hei mir när chli e grösseri Wohnig z'Niederwange bezoge!

Das isch es Foto us üsne erschte gmeinsame Ferie!