Dankesred Brautpaar
Liebi Gescht eis möchtet mir uf kein Fall vergässe,
no vorem Wii und em feine Ässe,
es paar Wort a eui zrichte,
also Schatz fang ah mit dichte.
Über es Jahr händ mir uf dä Tag gwartet,
bis er ändlich startet.
Nervös simmer sicher gsieh,
und doch gaht Ziit dänn so schnäll verbi.
Uf eimal simmer in Gsellhof inegloffe,
und serschtmal uf eui, ihr liebä Gäscht troffe.
Mir händ vor eui nomal dörfe schwöre,
dass mir für immer zäme ghöred.
En Moment wo euis viel bedütet,
au wänn kei Chileglogge lütet.
Dänn Trauige mache und das mit Pfiff,
hät dä Peter voll im Griff.
D’Wort sind super gwählt gsieh,
und d’Nervosität ganz schnäll verbi.
Danke PETER für Dini Mühe und Din Säge,
für es langs und glücklichs Eheläbe.
Mir wärdet ganz sicher vill a dis Gseite dänke,
und Dine Wort beachtig schänke.
Doch was wär Trauig ohni ä schöni Dekoration?
Dä Saal wär lär gsieh und alles chli monoton.
D’YVONNE hät scho vor Monate agfange studiere,
wie sie euises Fäscht chönti dekoriere.
Viel Lüt hät sie organisiert und igspannt,
segs für Gläser hole oder hald es Dekoband.
Au dä Rolf hät müsse drunder liide,
und ab und zue es Bändeli schniide.
Sie händ baschtlet und Stunde investiert.
Zwüsched dure die ganzi Wohnig verbarikadiert.
Für die grossartig Arbet gits leider kein Franke.
Aber mir, wänd eui vo Herze danke!
Dä schwierigscht Job ganz ohni zlüge
liit bi euisne liebe Trauzüge.
HEIDI und REMO ihr zwei händ alles geh
Um euis die schwere Laschte abzneh
Ihr händ so viel Ziit investiert,
und lässigi Sache usgstudiert.
En grossartige Job händ ihr da gmacht,
eui mit euis gfreuit und Träne glacht.
Wort allei langed da sicher nöd,
das wär ja jetzt au chli blöd,
will sFescht isch noni ganz gloffe und Gäscht no zwenig bsoffe.
Aber eis isch sicher, ihr zwei sind die beschte Trauzüge,
vor euiere Leischtig chömer euis nur verbüge.
Liebi FAMILIE, ohni eui hetet mir das alles gar nöd gschafft
Ihr händ euis immer unterstützt mit Tipps und Tatchraft.
Es hät sicher au mängisch viel Närve brucht – uf allne Siite
Aber schlussändlich händ mirs under d‘Huube gschafft ohni zstriite.
Au dä Gäldbütel händ ihr grosszügig zückt
Und euis mit es paar Fränkli unterstützt.
Ihr händ losglah und doch nöd verlore,
dänn i jedere Familie isch jetzt es neuis Mitglied gebore.
Danke, dass ihr euis so schön integriered
und mit euis dä wunderbari Tag zelebriered.
Liebi Mamis und Papis, liebi Grosseltere und dä ganzi Reschte
Danke, ihr Liebe – ihr sind eifach die Beschte!
Aber Moment, da gits no öper wo au vor Monate hät müsse probe
Und mir wänd Dich BETTINA eifach nur lobe
Du häsch so viel Freuid und Liebi investiert,
häsch nöd nur Musiker sondern au Note organisiert
Mit Liib und Seel häsch Du für euis gsunge
und dä Taktstock däzue gschwunge.
Niemert isch sicher gsieh vor chli Gänsehuut,
nöd mal dä Brütigam und garantiert nöd Brut.
Dini Stimm hät euis tüüf berühert,
und Din Istatz euis zu Träne grühert.
Häsch Dich sälber wiedermal übertroffe
Mir würdet säge: „Big Mama hät zmitzt id Herze troffe!“
Ganz zum Schluss gilt en herzliche Dank all euisne GÄSCHT
Das ihr cho sind a euises grossi Fäscht
Ihr händ mit Freuid und Läbe dä grossi Tag erhellt
Und hoffentli au seint oder anderi Gschänkli anegstellt
Nöd nur hüt sondern in euisem gemeinsame Läbe,
sind ihr echti FRÜNDE und en grosse Säge.
Dä wichtige Augeblick mit eui chöne zfiire
wird für euis unvergässlich bliibe.
Jetzt isch aber fertig mit dichte und all dene Reim
Mir wänd schliessli nochli fäschte und sicher noni heim.
So erhebed mir zum Schluss euises Glas
Und wünsched eui wiiterhin ganz viel Spass.
Danke eui allne!
no vorem Wii und em feine Ässe,
es paar Wort a eui zrichte,
also Schatz fang ah mit dichte.
Über es Jahr händ mir uf dä Tag gwartet,
bis er ändlich startet.
Nervös simmer sicher gsieh,
und doch gaht Ziit dänn so schnäll verbi.
Uf eimal simmer in Gsellhof inegloffe,
und serschtmal uf eui, ihr liebä Gäscht troffe.
Mir händ vor eui nomal dörfe schwöre,
dass mir für immer zäme ghöred.
En Moment wo euis viel bedütet,
au wänn kei Chileglogge lütet.
Dänn Trauige mache und das mit Pfiff,
hät dä Peter voll im Griff.
D’Wort sind super gwählt gsieh,
und d’Nervosität ganz schnäll verbi.
Danke PETER für Dini Mühe und Din Säge,
für es langs und glücklichs Eheläbe.
Mir wärdet ganz sicher vill a dis Gseite dänke,
und Dine Wort beachtig schänke.
Doch was wär Trauig ohni ä schöni Dekoration?
Dä Saal wär lär gsieh und alles chli monoton.
D’YVONNE hät scho vor Monate agfange studiere,
wie sie euises Fäscht chönti dekoriere.
Viel Lüt hät sie organisiert und igspannt,
segs für Gläser hole oder hald es Dekoband.
Au dä Rolf hät müsse drunder liide,
und ab und zue es Bändeli schniide.
Sie händ baschtlet und Stunde investiert.
Zwüsched dure die ganzi Wohnig verbarikadiert.
Für die grossartig Arbet gits leider kein Franke.
Aber mir, wänd eui vo Herze danke!
Dä schwierigscht Job ganz ohni zlüge
liit bi euisne liebe Trauzüge.
HEIDI und REMO ihr zwei händ alles geh
Um euis die schwere Laschte abzneh
Ihr händ so viel Ziit investiert,
und lässigi Sache usgstudiert.
En grossartige Job händ ihr da gmacht,
eui mit euis gfreuit und Träne glacht.
Wort allei langed da sicher nöd,
das wär ja jetzt au chli blöd,
will sFescht isch noni ganz gloffe und Gäscht no zwenig bsoffe.
Aber eis isch sicher, ihr zwei sind die beschte Trauzüge,
vor euiere Leischtig chömer euis nur verbüge.
Liebi FAMILIE, ohni eui hetet mir das alles gar nöd gschafft
Ihr händ euis immer unterstützt mit Tipps und Tatchraft.
Es hät sicher au mängisch viel Närve brucht – uf allne Siite
Aber schlussändlich händ mirs under d‘Huube gschafft ohni zstriite.
Au dä Gäldbütel händ ihr grosszügig zückt
Und euis mit es paar Fränkli unterstützt.
Ihr händ losglah und doch nöd verlore,
dänn i jedere Familie isch jetzt es neuis Mitglied gebore.
Danke, dass ihr euis so schön integriered
und mit euis dä wunderbari Tag zelebriered.
Liebi Mamis und Papis, liebi Grosseltere und dä ganzi Reschte
Danke, ihr Liebe – ihr sind eifach die Beschte!
Aber Moment, da gits no öper wo au vor Monate hät müsse probe
Und mir wänd Dich BETTINA eifach nur lobe
Du häsch so viel Freuid und Liebi investiert,
häsch nöd nur Musiker sondern au Note organisiert
Mit Liib und Seel häsch Du für euis gsunge
und dä Taktstock däzue gschwunge.
Niemert isch sicher gsieh vor chli Gänsehuut,
nöd mal dä Brütigam und garantiert nöd Brut.
Dini Stimm hät euis tüüf berühert,
und Din Istatz euis zu Träne grühert.
Häsch Dich sälber wiedermal übertroffe
Mir würdet säge: „Big Mama hät zmitzt id Herze troffe!“
Ganz zum Schluss gilt en herzliche Dank all euisne GÄSCHT
Das ihr cho sind a euises grossi Fäscht
Ihr händ mit Freuid und Läbe dä grossi Tag erhellt
Und hoffentli au seint oder anderi Gschänkli anegstellt
Nöd nur hüt sondern in euisem gemeinsame Läbe,
sind ihr echti FRÜNDE und en grosse Säge.
Dä wichtige Augeblick mit eui chöne zfiire
wird für euis unvergässlich bliibe.
Jetzt isch aber fertig mit dichte und all dene Reim
Mir wänd schliessli nochli fäschte und sicher noni heim.
So erhebed mir zum Schluss euises Glas
Und wünsched eui wiiterhin ganz viel Spass.
Danke eui allne!