DANKÄ !!!

Mir danked vo ganzem Herze:

  • Euisne liebe Trauzüge: Heidi + Remo
    für en unvergässliche Tag - dank euiem Isatz, für die grossartig Unterstützig, Hilf, Idee, Ufmerksamkeit, dass ihr uf euis glueget händ unds a dem Tag eifach a nüt gfählt hät!
  • Euisne Eltere: Susi + Peter, Yvonne + Rolf
    für eui Unterstützig, für tolli Gschänkli und Idee, für alles! 
  • Euisne Grosseltere und dä ganze Familie Bachmann + Sperandio
    für d'Unterstützig und Freuid a euisem grosse Tag
  • dä Sängerin bi dä Trauuig: Bettina und dä Musiker
    für en super Uftriit mit Gänsehuut und viel Träne ;-) 
  • dä Gärtnerei BLUMEN FRIEDEN in Wangen;
    für die wunderschöne Blueme miteme perfekte Brutstruss, Astecker, Tischdekoration und Autodekoration
  • dä fliesige Hälfer bim Apéro
    für die tolli Organisation, fürs Ufstelle + Ufruume, fürs luege und hälfe 
  • euisem Trauzüge Remo + sinere Fründin Jasmin;
    für die zwei Limousine = eifach mega!
  • euisere Trauzügin Heidi;
    für's umeränne, organisiere, fürs ufpasse uf Bruut
    (du häsch eifach alles geh! isch mega gsieh!)
  • euisem tolle Fotograf Pascal Heimlicher;
    für Begleitig dur dä ganzi Tag und dä asträngendi aber super Job!
    (mir freuied euis wahnsinnig uf Föteli)
  • dä Bäckerei FLEISCHLI;
    für dä super Apéro und ä perfekti Hochziitsturte
  • dä Fürwehr Dietlikon
    für dä lässig Spalier und die luschtige Spieli
  • am Landgasthof WASSBERG: speziel dä Frau Aeberli
    für ä tolls und unvergässlichs Fäscht und en super Service, feins Esse und ä perfekti Organisation
  • euisere Hochziitsband JUST TWO:
    für die musikalischi Begleitig a euisem Fäscht: eifach genial!
  • dä Suzana;
    für die tolli und schöni Frisur (Bruut & Brütigam)
  • dä Angelika Bischofberger:
    für das super schöne Bruutmakeup unds Makeup vo dä Trauzügin
  • euisne Fründe Pati + Marco, Sarah + Ronny:
    für die schöne Laterne und die lässig Idee mitem Ballonwettbewerb
    (düend eui dänn brichte, was so zrugg chunt)
  • euisere Fründin Kathrin Stähli;
    fürs Würke im Hintergrund und d'Hilf bim Fotoshooting (Reflektor), für das super tolle Gäschtebuech und die lässige Idee
  • am Swen Tobler;
    für die lässige Föteli während dä Trauuig und em Apéro = eifach uh schön!
  • allne Fründe;
    für die tolle Übberraschige, Gschänkli und Idee, für eui Fründschaft, für euie Isatz und Grosszügigkeit, für Schatzchischte und alles wo ihr gmacht händ für euis!
  • allne wo eifach däbi gsieh sind;
    für euies cho, für Glückwünsch, für Gschänkli, für Chärtli, für Blüemli, für Freuid und die unglaublich schöne Augeblick wo mir händ dörfe erläbe!