*News*
- November 2011
Ab und zue chömed mir sälber doch au no uf euisi Homepage und düend in Erinnerige schwelge. Im Herze bliibt dä Tag so oder so unvergässlich aber die schöne Bilder zgseh und nomal das Glück zverspüre, wo mir a dem wunderbare Tag händ dörfe erlebe isch eifach genial :-).
Mir hoffed, dass es dä einte oder andere au no so gaht wo ab und zue chunt go gügsle :-)...
- Juni 2011
Wahnsinn scho eis Jahr verhüratet!!! Wow - was für es unbeschriiblich schöns Gfühl. Mir händ hüt bi strahlendem Sunneschii (genau wie voremene Jahr) en wunderschöne Tag verbracht und sind natürlich chli in Erinnerige gschwelgt. Euise grossi Tag bliibt no unvergässlich und mit träged ihn immerno im Herze und doch chunt euis scho ewigs lang vor :-).
Mir gnüssed jede Tag vo euisere Ehe und sind stolz uf euisi chli Familie ;-).
Danke a dere Stell au allne wo euis zum 1. Hochziitstag so herzig gratuliert händ und a euis dänkt händ! Mir händ uh freuid gha!
- Januar 2011
Scho simmer im neue Jahr 2011 glandet...wie schnäll doch die Ziit vergaht. En Grund für die ehemalig Brut zum sich nomal is Brutchleid schmeisse ;-)... für es "after wedding shooting". Föteli sind super worde (siehe unter "Unser Outfit") aber s'Gfühl i dem schöne Chleid isch natürli jetzt, es halbs Jahr spöter, ganz es anders :-).
- Dezember 2010
Euise 6-monatigi Hochziitstag isch da und mir glaubeds sälber noni ganz, dass es würklich scho 6 Mönet her isch :-)...
- November 2010
Wähled für euis uf http://www.schmuck.ch/10914?var_id=5174&var_from=10912 !!!
Danke viel mal :-)!
Öb mir en Priis günnend oder nöd, chunt nöd so druff ah - da mir dä Hauptpriis (nämlich euis) scho lang händ :-)!! Aber natürli wärs trotzdem schön :-)...
- Oktober 2010
26.10.2010
Pünktlich zu euisem 4-monatige Hochziitstag (waas...scho vier Mönet!?!!) isch euise Garte fertig worde! Er isch uh schön worde und mir freuied euis scho fescht uf dä Frühelig/Summer wänn mer en chönd iiweihe und richtig benutze!
Am Dani möchtet mir vo ganzem Herze für sini Arbet danke! Er hät euisi Wünsch würklich genial umgsetzt und mit viel Kreativität euise Garte verwandlet! Aber überzüged eui sälber unter "unser Wunsch/ unser Garten" uf däre Homepage.
Am 04. Oktober 2010 hät euise Landschaftsgärtner mit euisem Garteumbau agfange! Mir sind extrem gspannt und freued euis sehr uf s'Ergebnis.
Selbschtverständlich haltet mir eui ufem Laufende. Meh Infos und Föteli werdet ihr unter "UNSER WUNSCH" - "UNSER GARTEN" finde.
- September 2010
Neui Föteli unter Fotoalbum "Shooting"!!!
Mir nöchered euis am 3monatige Hochzitstag ;-). No immer schwelged mir in Erinnerige a euise grossi Tag. D'Sandra isch voll und ganz mit Föteli bearbeite, Collage und Fotialbum erstelle beschäftiged! Ä Arbet wo viel Spass macht und d'Erinnerige läbe laht.
Wer meint nachem Hochziit isch es mitem "Stress" verbi - dä chan sich tüsche :-)!
- 10. August 2010
Föteli vom Brutpaar-Shooting findet ihr unter Fotoalbum
- 07. August 2010
Dankeschärtli in Bearbeitig...sie chömed gli :-)
Juli 2010
- 30. Juli 2010
Föteli vom Fäscht sind jetzt au da :-)! Unter Hochzeitfest/Fotos findsch dä Link däzue.
- 26. Juli 2010
Tätsächlisch scho einmonatige Hochziitstag :-)... no immer schwelged mir in Erinnerig a euise wunderschöni Tag und gnüssed jetzt natürli s'Eheläbe i volle Züge.
Ganz neu hämmer jetzt Föteli vo dä Trauuig und vom Apéro ufgschaltet. Lueged doch unter Trauung/Apéro und dänn unter Fotos.
Usserdem häts uf dä ganze Homepage es paar neui/aktuelli Bilder geh.
Über es Feedback im Gäschtebuech würdet mir Euis natürli sehr freue :-)!
- 10. Juli 2010
Scho zwei Wuche verhüratet :-)! Wow, es meega schöns Gfühl. I dä Zwüscheziit hämer scho Föteli vom Fotograf übercho (1'500). Jetzt heisst die schönschte ussueche, es bitzli nahbearbeite (Sandra) und dänn sicher no viel uf d'Homepage ufelade;-).
Es paar einzelni Fotene findet ihr bereits uf däre Homepage.
Juni 2010
- 27. Juni 2010
Euisi grossi Tag isch verbi - und er isch eifach perfekt, traumhaft, unvergässlich gsieh. Mir sind überwältiged vo so viel Liebi, Freuid, Grosszügigkeit und Fründschaft, wo mir händ dörfe erfahre!
Die richtige Wort fähled euis: DANKE FÜR ALLES!!
NEU:
-Rubrik: DANKÄ
-all Föteli und Infos unter Ziviltrauuig
- 22. Juni 2010
En wunderschöne Tag mitere wunderschöne Ziviltrauuig und vielne Überraschige. Es isch so schön gsieh. Endlich Ma & Frau - endlich Familie Sperandio :-).
Mir danked ganz fescht allne wo so grossartig mitghulfe händ und sich für euis so mühe geh händ. Mir sind würklich überwältiged! Ganz speziell danked mir dä Yvonne für die fantastisch Dekoration und die unglaublich Liebi, Mühe und dä grossi Ufwand wo hinter all dem gsteckd hät! Eifach unglaublich schön!!
Föteli sind im Fotialbum zfinde!
- 20. Juni 2010:
Mir händ beidi euisä Polterabig guet überstande :-). Es isch eifach uhh lässig gsieh, was sich euisi Fründe für euis iifalle lah händ. Klar hämmer ab und zue au chli unedure müsse und die eint oder ander Peinlichkeit erläbet. Aber es isch für euis beidi en mega lässige und unvergässliche Abig gsieh! Danke viel mal!
Es paar Föteli unter Polterabend
- *Juhuu* euisi Flittertäg sind bueched! Nachem Hochziit verschwindet mir es paar Täg ines Wellnesshotel und lönds euis eifach no chli guet gha.
- Ja, mir sind langsam es bitzli nervös :-). Jetzt isch Endspurt agseit und no die einte oder andere Sache münd erledigt wärde.
Mai 2010
- Aufgrund einiger Rückfragen haben wir eine neue Wunschliste gestaltet.
Das Passwort lautet: sandraundpascal
(für die wo scho iizahlt händ nach dä alte Wunschlischte: keis Probelm - das hät alles klappet und isch so bi euis vermerkt ;-). Danke viel mal!)
- s'Datum für dä Polterabig isch bekannt: 19. Juni 2010
Mir möched dä am gliche Abig aber getrännt vonenand ;-)
April 2010
- Treffpunkt für geladene Festgäste ist um 13.30 Uhr vor dem Gsellhof
März 2010
- Es händ sich alli gladne Gäscht agmäldet und mir freuied euis sehr, dass würkli ALLI chönd cho :-)