Willkommen

D'Liebi isch äs Spiu, wie ah Hockeymätch. Die einte Gwinne, die angerer verlüre. Üse Mätch geit unentschide us, wöu mir hei ahnang gwunne.

Mir hei ahnang am 10.3.2004 bim Eishockeymätch, Finauspiu für 2. Liga Zentrauschwizermeischter z'Wohle, Wettinge-Bade - Bäup lehre kenne. Lehre kenne isch eigentlech übertribe, ahnang ah glachet vo aune siette, gredt heimer no kei Wort zäme. Das Spiu, wie hätts oh angers chönne sie, Bäup isch us gwinner vom Platz gange. So isch de am Samschtig 13.3.2004 zum zwöite Spiu cho. Spiu säuber natürlech oberi Creme, Bäup gwinnt wider (isch ja klar gsih). Aber z'rügg zu üs, bis zum Ändi vom Mätch heimer üs eigentlech gar nid troffe, aber womer ahnang gseh hei im Restourant isches so wiet gsih. Mi zuekünftegi Ex Fründin isch amne Tisch ghocket mit zwone angere Froue. Vo wietem ha ig versuecht mit Handzeiche uh Faxe ihre klar z'mache, dass sie sich doch schnäu söu löse, uh usse söu. Äs isch lang gange bis das klappet hett, ig hinger nache, nachemne Gspräch vo 15 Minute isch aues klärt gsih, ihri Situation uh mini uh am Schluss hett si mir doch de no z'Natelnummero gäh. Äs söu niemer säge dasses nid ah Liebi ufe erscht Blick git. Scho wo Barbara 5 Minute gange isch ha ig äs erschts SMS gschribe uh ihre mitteut was ig vore haute. Ja so het das ganze ahgfange das bimne Eishockey Mätch. Eishockey isch bis hüt immer no üssi Liedeschaft, für Barbara villech nüme Wettinge, aber Bäup isch itze gross gschribe.

Ja so isches de haut oh cho, dass ig oh bimne Hockeymätch uh ahr Barbara ihrem Geburi am 22.1.08 (Bäup het oh da gwunne)  gfragt ha ob sie mi möcht Hürate. . .(das natürlech nid ohni vorhär dr Papa Studer z'frage ob är ihverstange isch das isch ja Klar) uh wie dir ja gseht het Barbara ja gseit.