Brutpaar
Üsi churzi aber intensivi Gschicht:
Im Dezämber 2004 het d Yvonne bim gmeinsame Arbeitgäber im gliche Team wie der Mike afo schaffe. I de erschte 3 Mönet hei mer praktisch nüt zäme gredt. Erscht am 4. März 2005 hei mer de glich die erschte Wort gwächslet und si ab denn praktisch unzertrennlech gsi.
Im Mai 2005 hei mer zerscht mau vo Familie gredt und nachdäm d Yvonne im Juni 2005 ihres Ziel, der Stockholm-Marathon gschafft het, isch das konkret worde...
Mitti Ouguscht hei mer gwüsst, dass mer scho gli Eltere wärde und nach emene schreckleche Morge am 21. Ouguscht hei mer ds erschte Mau uf em Ultraschall ds Härzli vo üsere Chline gseh schloh.
Am 17. Septämber het der Mike ar Yvonne ds Paris der Hüratsaatrag gmacht. Romantischer geits nümm... :-)
Nach der erschte gmeinsame Wiehnacht hei mer am 27. Januar 2006 uf em Standesamt Bärn ghürate.
Am 8. und 11. April 2006 hei mer beidi üsi 30igschte Geburtstage gfiiret. Irgendwie isch das aber e chli ungergange...
Nach ere churze und intensive Nacht isch am Morge vom 24. April 2006 üsi chlini Bohne, d Annick Viviana uf d Wäut cho. Sithär gniesse mer ds Familieläbe i volle Züg und hei mit der 'Troufi' am 9.9.2006 e witere wunderschöne Höhepunkt chönne setze!
üsi chlini Familie
